حوزہ نیوز ایجنسی کی رپورٹ کے مطابق، شیعہ علماء کونسل پاکستان کے مرکزی نائب صدر علامہ سید سبطین حیدر سبزواری نے پارا چنار کا راستہ کھلوانے میں حکومت اور سکیورٹی اداروں کی ناکامی پر تشویش کا اظہار کیا ہے۔
انہوں نے جامعة النجف میں علماء کے وفد سے گفتگو میں کہا کہ اکتوبر 2024 سے اب تک 200 سے زائد معصوم جانیں ضائع ہو چکی ہیں، مگر ان اندوہناک واقعات میں حکمرانوں کے کانوں جوں تک نہیں رینگی، وہ بے بس نظر آتے ہیں۔ جس کا مطلب ہے کہ یہ حکومت دہشت گردوں کی سہولت کار ہے یا ان کے سامنے بے بس ہے۔
ان کا کہنا تھا کہ ایسا ممکن نہیں کہ سیکیورٹی ادارے پارا چنار کے راستے کو کلیئر نہ کروا سکیں، مٹھی بھر دہشت گرد غیر قانونی اور غیر آئینی طور پر راستہ بند کرکے بیٹھے ہیں، ان سے راستہ کلیر کروانے میں ناکامی افسوسناک اور ملکی سلامتی پر سوالیہ نشان ہے؛ لہٰذا ہمارا مطالبہ ہے کہ فی الفور راستے خالی کروا کر حکومت اور ریاستی ادارے اپنی ذمہ داری پوری کریں۔
آپ کا تبصرہ